Naskah Cerkak Annisa Sekar Ayu Fauziah

Nama : Annisa Sekar Ayu Fauziah

Kelas : XII-IPA 3

No. Absen : 04

Drama saking cerkak “Durung Tiba titi wancine”

Dening : Rinda Asy Syifa

Babak 1

Iva                : “Mbak Mar, ayo cepetan!”

Maryam       : “Mbak Mar tak nata iqra’ riyin nggih. Nek kesusu Iva mantuk riyin mawon”

Iva                : “Tenan mbak?”

Maryam       : “Iyo dhik, mantuk o disik ora apa-apa”

Iva                : “Nggih mbak, aku mantuk e bareng Dika karo Ratri ya mbak!”

Maryam       : “Iyo dhik, ati-ati nek mantuk”

Iva                : “ Nggih mbak Mar”

Maryam       : “ Oiyo dhik, mengko nek ibu nggoleki mbak sik nang masjid ya nata iqra’ e bocah-bocah!”

Iva                : “Nggih mbak, Assalamu’alaikum”

Maryam       : “Wa’alaikumsalam”

Babak 2

Lakuku tumuju pit ana latar kang dikebaki suket jalaran wis suwe ora dianakake kerja

bakti. Nalikane aku arep nggenjot pitku, kedadak ana swara ngundang jenengku.

Gunarto        : “Dhik Mar,”

                      “Dhik Mar, apa lali marang janjimu?”

Maryam : “ Mas Gun?”

Gunarto : “ Apa lali marang janjimu wingi? Di SMS ora mbales, ditelpon ora diangkat”

Maryam : “ lho, mas kok ngertos menawi kula teng ngriki?”

Gunarto : “ Mergane saka jroning ati sajero-jerone nyasmitake yen kowe lagi ngulanng ngji.”

Maryam : “ Ora usah nggombali aku”

Gunarto : “ Aku mau wis saka omahmu,ketemu ibumu. Ora kaya ndhek sewulan kepungkur aku ora panggih ibumu”

Maryam : “ Apa mas ? nang omahku? Ketemu ibuku?(batin maryam)

Babak 3

Sasuwene mlaku pit ku dienggokne mas gun ana ngarepe cangkruk sing kamangka omahku ora sawetane cangkruk keletan kalen cilik lan akhire

Gunarto : Mreneno dik, aku arep kandha

Maryam : “ Iva kak mboten ten ngriki nggih mas? (Aku nyaba nyuara)

Gunarto : “ O,dhik Iva mau ancen dolanan ning kene, weruh aku banjur mlayu bali. Sajake Iva kesenengnen tak gawakne oleh –oleh gulali.

Maryam : “ Ibu wau ngendhika napa mas?”

Gunarto : (Gedheg - gedheg) Ora ngendhika apa – apa mung matur nuwun oleh –olehe,terus....”

Maryam : (Motong omongane) ”Terus napa? “

Gunarto : “ iya terus,aku takon kowe neng endi?, Njur aku pamit goleki kowe neng masjid”

Maryam : “ Oalah mung ngono mawon to mas?”

Gunarto : “Iya ta dek, lha arep piye maneh?”

Maryam : “Ora piye – piye kok mas”

Gunarto : “Dik Maryam, sejatine ning njero atimu ana aku opo ora?”(lembut suarane)”Kandhakna     sing satemene,apa sing kok rasake. Yen kanggoku nggawa gela, aku ora bakal nesu,yen kanggoku gawe lega aku ya ora bakal kesusu”

Maryam : (Aku tetep ndingkluk mripatku brambangi. Mbuh saka ngendi critane,aku isa – isane nangis ana ngarepe mas Gun) “ Mas... nyuwun pangapunten, “(Kandhaku sinambi ngelungke amplop marang Mas gun) “ Kula pun Siap menawi njenengan badhe duka, estu kula mboten saget ngestokake kerjane njenengan”(suaraku alon,lirih ngulapi eluh kang netes ana pipiku)

Gunarto : “ Aku ora nyangka yen wiji tresna sing tak uwur-uwurake,tak siram,tak jaga sabendina suwene telung tahun iki bakal pungkas ngene iki. Aku wis sabar nunggu,nyimpen sakabehane,merga aku ngerteni yen kowe ora kaya kenya-kenya liya. Aku ora nempuh dalan pacaran merga kuwi wujud tresnaku dek. Apa iki kekarepanmu dek?”(Mas Gun ngundhari isi ati kang ditalemi sesuwene telung tahun)

Maryam : “ Kula pancen mpun ngancik wayah palakram,kepara kanca-kanca malah pun kagungan momongan. Nanging kados pundi maleh mas,Gusti Allah ngersake margi sanes kangge kula lan njenengan.” “Ibu nepangake kula kalih Mas Wawan,sedhereke Bu Warsih tangga ler dhaleme simbah ing salatiga.”Bu warsih niku kanca celak Ibu kula wiwit alit. Kula mboten saget nentang kersanipun Ibu.”

Gunarto : “ya wis dik Mar, nek iku gae kowe bahagia.Aku ikhlas menawa aku kelingan kowe.”

Maryam : “ Estu kula ugi gadhah menapa ingkang njenengan....”(ukaraku ora tak tutuke nalika keprungu swarane Iva bengok -bengok)

Iva : “ Mbak Mar! Digoleki Ibu”(Mbengok saka lurung banjur lunga maneh karo kanca-kancane dolan) 

Babak 4

Gege aku menyat nuntun pit. Mas Gun melu nututi aku, polate bingung kaya dene polatanku. Ana apa karo Ibu.

Maryam : “ Assalamu’alaikum, Enten napa bu?” (Langsung lungguh sisih ing Ibu ing ruang tengah)

Ibu : “ Gunarto ndi? Undangen rene!”

Maryam : (Bingung lan khawatir) “ wonten napa ta bu?”

Ibu : “ wes gek ndang.... kon mlebu! (Ora srento sajake)

Maryam : (Mlaku tumuju teras)” Mas ken mlebet” (Mlebu Omah maneh)

Ibu : “ Ngene Mar,Ibu are crita.Nalikane Ibu sowan simbah mau, Ibu ketemu karo buleke Wawan. Kebeneran ketemu Ibu nyuwun biodatane priya kang arep dikenalke karo kowe, dadi sesok piyambake ora usah merlake mrene” (Ibu mendhek anggone crita,banjur mbukak lampiran kertas cilik ana dhuwur meja)” Iki Wacanen “(ngewenehake lampiran)

Maryam : (Kertas cilik mau tak waca mripatku banjur mbrambangi)

Ibu : “ Iki fotone “

Maryam : (kaget lan bingung ) “  Mas Gunarto Setiawan,Mas Wawan! (Isih bingung)

Ibu : “ Wis tak restuni, nduk. Muga Gusti Allah paringi dalan kang lancar.Jebul wawan sing dikarepke Bu Warsih kuwi ya Gunarto iki. Mau nalika Gun iku teka omah, Ibu wis ngeti kabeh. Wawan kuwi Udang - udangane nalika isih cilik,Wawan pindah omah melu wong tuwane nang Bantul,mula Bu Warsih arang ketemu.Bu Warsih uga durung taren marang Wawan perkara jejodhohan iki.Merga manut critane Bu Warsih, Wawan iki bocahe ora gampang kepincut.”

Maryam : “ Mas Gun ya Mas Wawan? (Bungah banget)

Gunarto : (Arep ngruket Maryam,nanging maryam malah ngruket Ibune)

Ibu : “ Durung tiniba titi wancini ngger!”

Babak 5

Adzan Wes Kumandang

Ibu : “Ayoh pada sholat,wes magrib kae ngger”

Maryam : “ Inggih Bu, Bapak nggih sampun Adzan!”

Gunarto : “ Inggih Bu, Iva kalih kancane nggih sampun bidhal teng masjid.”

Maryam : (Dongaku muga yen wis tiniba titi wancine Mas Gun uga bakal kaya Bapak ing ngarep kae)