Naskah Cerkak Witji Sri Rahayu

Nama          : Witji Sri Rahayu

Kelas           : XII IPA 3

No. Absen   : 36   

Pengarang  : Utari

Judul                     : Wolak Walike Jaman

DIALOG “Wolak Walike Jaman”

BABAK 1

        Wingi Yu Uut ider endhog asin ning Perumahan Surya Asri nanging setoke endhog dina iki kari saitik.

Yu Uut                   :”Dina iki sethok endhog kari setengah rinjing, nak tak iderno ning Surya Asri mesti entek nanging aku sesok dodolan apa jarene bakule endhog arep prei rong dina.”

       Yu Uut mikir amprih sesok iso panggah ider akhire Yu Uut nduwe pikiran dodolan peyek.

Yu Uut                   :”Wis enake mengko bengi aku tak nggoreng peyek wae. Peyek urang,peyek teri,peyek kacang karo peyek dhele. Amarga kapan kae pelangganku tau takok”kok suwe gak tau gowo peyek” .”

       Yu Uut menyang njero omah krungu ana wong nyeluk dheweke.

Supinarti                :”Yu Uut......Yu Uut”

Yu Uut                   :”Ya, mlebua Pin, aku jik nata endhog.”

Supinarti                :”Jik akeh ta endhoge pean.”

Yu Uut                   :”Aku gak ngendhog,lek endhog asin enek.”

Supinarti                :”Anggitku atene tak gawa ning Puri, sedhela wae engko lek entek.”

       Yu Uut mikir amarga sing nyetori endhog asin arep prei rong dina.

Yu Uut                   :”Tapi.....langgananku sing nyetori endhog asin sesok jare prei.”

Supinarti                :”Kan sampean disik tau dodolan peyek,pean sesok dodolan peyek wae saiki endhoge pean tak gowo ning Puri.”

Yu Uut                   :”Iyo,mengko bengi aku atene nggoreng peyek gawe dodolan sesok rewangan ya Pin.”

Supinarti                :”Iyo aja mengko bengi Yu Ut.”

Yu Uut                   :”Kena apa kok aja engko bengi Pin?”

Supinarti                :”Mergo aku engko bengi gak iso mbak Ut, wis ngene ae endhoge pean tak dole mergo aku gak nduwe dodolan blas dina iki.”

Yu Uut                   :”La kowe arep nang ngendi engko bengi Pin?”

Supinarti                :”Aku mengko bengi arep buwuh ning Rungkut.”

Yu Uut                   :”Kok kon nduwe bala neng Rungkut barang se Pin, sabamu adoh timen.”

Supinarti                :”Lho piye ta Mbak Ut aku iki rak asli Rungkut, piye oleh ta gak endhoge tak iderno daripada sampean gawe peyek engko bengi sampean engko ngantuk mending saiki wae ben oleh akeh sampean nak goreng peyek.Lek gak dodolan anakku kon mangan apa Yu Ut.”

Yu Uut                   :”Iyo iderno wae Pin,aku tak nggoreng peyek saiki wae ben gak bengi engko barku. Sing mesti mangan sego ta Pin.”

Supinarti                :”Lek ora ana dhuwit tuku beras karo apa Yu Ut?”

Yu Uut                   :”Karo dhuwit ta Pin.Wis ndang diiderno ning Puri endhog asine.”

BABAK 2

    Supinarti takok menyang Yu Uut nduwe celengan apa gak amarga Supinarti arep adol tanah warisansimbah sing ana ning Rungkut arep didol.

Supinarti      :”Eh, Mbak Ut sampean nduwe celengan sithik – sithik tah?”

Yu Uut                   :”Ana apa ta Pin.”

Supinarti      :”Lek nduwe, dhuwitana tanahku sing ana ning Rungkut kira – kira ambane 900m².”

Yu Uut         :”Heh.... kon iku ngomong apa lho? Padha bakul cilike ae kathik ngongkon tuku tanah barang  dhuwit apa sing ge tku.”

Supinarti      :” Sak jane aku gak butuh dhuwit gedhe Yu Ut. Butuhku ki, ge kunci dodolan saben dinane. Apa maneh anakku sing nomer telu mlebu SMP barengan karo adhike dhaftar SD. Gak yo mumet utekku. E.....lak pean gelem nuku,ora ketang nyicil sak nduwe pean aku ben gak nemen – nemen leh kecingkranga. Wis ta Yu Ut mosok karo aku gak percaya. Lha sesuk iku,nek isa aku utangana dhuwit rong ewu ae tanahku iku tak rega 200 per m² ne. ”

Yu Uut         :”Kon iku lho Pin kok leh mempeng mleter aku. Aku iki gak nduwe dhuwit. Katene mbok kon ngiutil ning pasar tah?”

Supinarti      :”Ya sepurane Yu Ut,gelang,karo kalung, karo cincin pean iku lak mbejaji lek mung butuh dhuwit rong ewu wae.”

Yu Uut         :”Walah walah. Aku lak gak anggon anggon lak mbok cara ngono.”

Supinarti      :”Masi gak anggon anggon ya panggah ayu kok pean iku Yu Ut, apa katene mbok ge rabi maneh tah?”

Yu Uut         :”Rabi rabi..... kapok aku Pin, rabi pisan iku wae aku wis digae lara ati. Wis, aku selawase gak katene golek wong lanang. Fokus usahaku tak gawe nggedhekake anakku telu. Wingi sing ragil tak dhaftarake TK kenek biaya 500 ewu.”

Supinarti      :”Ya wis Yu Ut, pean goreng – gorenga ae, endhogmu tak gawane ning Puri Sejahtera. Sesuk pean tak ewangi ngedol peyeke. Tapi welingku ya Yu Ut, tenan kok iki. Aku butuh dhuwit rong ewu dhisik. Pean sahakno ya?”

Yu Uut         :”Insya Alloh.”

    Yu Uut mesakake Supinarti amarga lagi butuh tenan .

Yu Uut         :”Aku mesakake banget kancaku. Mbiyen ya tau utang aku satus, nyaure nyicil – nyicil.terus kapan kae yo tau utang maneh limang atus dicicil sak nduwene.

Gek aku iki apa ya isa tuku lemah ditawakne kuwi (ana ati)”

BABAK 3

   Esuk iki mau Supinarti budhal dodolan endhog ning Puri Sejahtera

Yu Uut                   :”Pin arep budhal ning Puri saiki tah?”

Supinarti      :”Yo Yu Ut aku arep budhal saiki muga – muga ae enthek endhog asine.”

Yu Uut                   :”Iyo ati ati yo Pin.”

Supinarti      :”Iyo Yu Ut  budhal dhisik.”

    Yu Uut sinambi goreng – goreng mikir nasibe sing kebangeten amerga bojone .

Yu Uut         :”Lek jenenge Damang tegese”ngerti” nanging jebule main ceki, ngombe karo medok. tanah warisane wong tuwane ae entek digae seneng – seneng dhewe. Mulane diiris seprapat dituku dokter gigi. Njur pendhak tau diiris maneh didol kari separo.”

    Yu Uut krungu ana swara nyeluk banjur mlebu omahe tibake anake sing jenenge Rudi.

Rudi             :”Buk, nggoreng apa?”

Yu Uut         :”Eh Rudi......nggoreng peyek Le,yahmene kok wis teka?”

Rudi             :”Istirahat buk, ingguk – ingguk omah.”

Yu Uut         :”Kono gek ndang sarapan lawuhe pepes pindang.”

  Ora suwe adhine Rudi muleh sekolah.

Risti             :”(sinambi mangan) Buk enake ibuk iki bukak warung wae lho. Dadine lek dodol gak usah mider gak karo gendhong dagangan abot – abot.”

Yu Uut         :”Emoh ndhuk,buke lek bukak warung mengko mundhak didulat dulit wong lanang.”

Rudi             :”Didulit ya ben ta Buk, sokor gelem ngrabi.”

Yu Uut         :”Buke gak katene rabi maneh wis kapok, apa kowe kepengin nduwe bapak maneh ta le? Gak usah yo le mending kowe kerja sing tenanan.... ojo seneng maen,mendem,medhok pokok ojo sampek molimo.”

Rudi             :”Inggih kula mboten bakal koyok ngonten niku Buk.”

Risti             :”Suk lek nduwe bojo aja kaya bapak Cak. Medhit, kereng,jahat,gak nduwe ngesakna nyang Buke karo anak anake.”

Yu Uut         :”Masio kowe yo ngono ndhuk. Golek bojo kudu ngerti bibit,bobot lan bebet,kejaba iku sekolahmu sing temenan. Ben mbesuk isa nyambut gawe gak jgakne kayane wong lanang.”

       Jam 11 Supinarti teka endhoge asin entek banjur tak bagi hasil.

Supinarti      :”Kokndengaren yah mene wis muleh.”

Risti             :”Inggih gurune rapat dadose diwangsulne awal, lek.”

Supinarti      :”Piye Yu Ut iso gak ngutangi aku dhuwit? Wis ta soal tanah iku kenek sampean cicil sak nduwene sampean. Sing penting iso tak gae bunci dodolan.”

Rudi             :”Lha sampean napa mboten butuh panggonan kok smpean dol?”

Supinarti      :”Aku wis nduwe enggon ning Sido Purna. Tanah sing tak dol iki warisane wong tuaku sing ning Rungkut. Tak kon nuku ibukmu, nyicil sak nduwene,ewangan ibukmu ta le.”

Rudi             :”Insya Alloh, dongakne rejeki kula kathah mengke kula cicilake.”

Yu Uut         :”Kowe wis wani ngewangi ibuk nyicil tuku tanah ta le?”

Rudi             :”Insya Alloh saget Buk.”

Yu Uut         :”Lek wani tenan, ibuk wani tuku tanahe Lek Pin iki.”

Rudi             :”Ya Buk,muga – muga ae aku isa ewang – ewang nyicil dongakno wae Buk.”

  Yu Uut ngedol perhiasane digae nyicil tuku tanahe Supinarti. Dina sak banjure Yu Uut nyicil saknduwene dhuwit lek Supinarti butuh dhuwit karo Rudi diutangake Bank sing digawe jaminan SK ne. Sampek utange lunas.  Wayahe Rudi rabi manggon ning kost- kostan liya. Ndilalah sing wedok yo pegawai negeri. Wis rabi nak enek sambat sambute wong tuwa dhewekw gelem nulungi wayahe dhuwitan aku diterke Rudi ndeleng tanahe ning Rungkut, tanah kosong, dithukuli alang – alang sak dedeg dhukure. Sawijine dina anakku lanang sing mbarep ngewehi kabar aneh.

Rudi             :”Buk....... aku mau ning kantor ketemu Bapak.”

Yu Uut         :”Kok iso ketemu bapakmu,kena apa bapakmu mara ning kantor apa sengaja goleki kowe ?”   

Rudi             :”Iya Buk..... bapak ketoke susah banget. Awake kuru.”    

Yu Uut         :”Terus bapakmu ngomong apa?”

Rudi             :”Jarene ngene Buk..... Rud ibukmu kuwalon minggat digondhol wong lanang liya. Saiki bapak wis urip dhewe maneh. Matura nyang ibukmu ya? Bapak njaluk sepura . nek isa, aku saiki tak ngenger kowe ya Rud. Sokur nak ibukmu gelem.”

Yu Uut         :”Gak usah nggatekna cangkeme bapakmu! Ben dirasakna. Ya kuwi oleh – oleh bapakmu dewe.”

 

>>>>> Rampung