Naskah Cerkak Nyimas Afiata Nastiti

Nama : Nyimas Afiata Nastiti

Kelas : XII – IPA 3

No.Absen : 28

Drama Saking Cerkak “Kupon keramat Uda Fajri”

Dening : Impian Novitasari

Babak 1

Kuliah jam iki rumangsaku kok suwene eram. Dhosene ngomong apa wis mbuh mung mlebu kuping tengen metu kuping kiwa alias bablas. Dhasae weteng wis ngelih,rasane pengin dang metu saka kelas.

Nasta : “Duh suwene eram bu dhosen iki yen ceramah,kapan bubare yen bu dhosen betah    banget ceramahe” takonku marang aku dhewe.Sawise 10 menit tak rasani,

Bu dhosen : “Do You Understand Guys?” karo ngringkesi bukune ing meja.

Mahasiswa : “ Yes sir”

Bu dhosen : “ Ok, it’s time to break and pray ashar, back to class at 04.00.  Ok Guys? Good afternoon”

Mahasiwa : Oke Sir, Good Afternoon” jawabe kanca–kanca kompak.

          Bu dhosen ngendika yen wus wayahe istirahat lan bu dhosen metu saka kelas karo nggawa bukune sing digawa menyang kelas maeng. Aku langsung metu. Rukuh takjipuk,langsung neng mushola,sholat ashar.

Babak 2

          Bar ngono aku sakanca arep nyang kantin. Nalika ngringkesi barang-barang aku lagi eling yen lali ra nggawa kupon mangan. Neng kampus pascasarjana nggonku kuliah, yen arep maem kudu ngijolke kupon sing wis dijatah saben samester. Blaik kok nganti gak kegawa. Aku dadi bingung, wong lawang kelas wus kebacut dikancing pak Kis, karyawan kampus, gek wonge tak goleki ora ana.

Nasta : “Eh,aku lali ra nggawa kupon, Tas ku dhek jero kelas. Kelase wis di kancing pak Kis? Piye yo iki Mbak In?” takonku marang mbak indah.

Mbak Indah : “Lho lha piye?”

Nasta :“Mbak indah,nggawa kupon luwih gak?” aku takon kancaku menawa nggawa kupon luwih,arep nyileh siji.

Mbak Indah : “Ora iki, mung nggawa siji,” Mbak Indah mangsuli karo nuduhake kupon sing mung siji.

Nasta : “Mbak Novi, Mbak Eny, Dini ? nggawa gak?” aku nyoba takon kanca liyane.

Mbak Eny :“aku ya mung siji,” Mbak Eny mangsuli njur disusul kancane nuduhake kupon sing uga mung siji. Kok gak kaya padatane ta,dha nggawa kupon sagendhel.

Duh, piye iki olehku maem!Yo mosok aku ngenteni mari magrib!Batinku nyauri kok gak kaya padatane ya,dha nggawa kupon sagendhel.

Nasta : “Ya wis Mbak, Dhisika wae, aku mengko tak nyusul nek lawange wis dibukak Pak Kis. Nek ra ya aku tak mangan pas rampung  kuliah sesi siji,” kandhaku gela, ning piye maneh, lak ra mungkin aku menggak mangan kanca - kancaku.

Mbak Indah : “Tenanan gak papa? Betah ngelih tekan magrib? Pa nyilih mas Ali sik ? Biasane wonge wis neng kantin, Mbak Indah aweh pamrayoga.

Nasta : “Ora papa, Mbak dhisika wae. Tenan,”kandhaku. Bubar ngono kanca-kanca ninggalake aku.

Babak 3

KARO ngenteni menawa ana mlebate Pak Kis supaya bisa mbukak lawang kelas, aku lungguh neng kursi sandhing mushola. Ngarepku akeh cowok – cowok lan bapak –bapak sing bubar sholat lan jagongan neng kono. Salah sijine ana kancaku jaman S1 mbiyen, Si Risma,sing saiki dadi kakak tingkatku neng S2. Aku nyedaki dheweke.

Nasta : “Opo aku takon Risma wae ya?” Takonku marang aku dhewe “Eh bro, nggawa kupon mangan gak? Nyilih siji dang,” takonku lirih.

Risma :  “Ra nggawa aku, Bos. Nyilih Oching kana lho,wonge ana neng kelas,”

Nasta : “Ngono ya ? Ya wis sik ya,”

Risma : “Oke bro,ati-ati ya akeh wong usil ing kelase Oching!” Jawabe karo tangane dada-dada.

Kandhane Risma karo ngguyu nanging ora tak gubris aku langsung ae njujug kelase Oching,senajan akeh wong ora takgagas, wong ya ra kenal wae kok.

Babak 4

Oching lagi ngobrol karo kancane, takselani

Nasta :“Ching aku nyilih kupon,ndang. Kelasku dikunci aku ra iso mlebu. Wetengku wis ngelih banget ki,” ngomong ngono karo riku melas banget ngana kae.

Oching :“Weh sorry banget,Nas aku mau ya lali ra nggawa. Aku wae nyilih Amel lho.”

Nasta : “Adhuh,how poor I am. Nyilih sapa ya?” Aku muni ngono karo nggoceki wetengku sing wis ora bisa dijak kompromi.Lagi bingung ngono dumadakan ana mas - mas nyelani.

Uda Fajri : “Mbak mau pinjem kupon? Ini saya kasih satu,”

Mas –mas iku nyuwek kupon siji terus diwenehke aku.Aku speechless, ora bisa ngomong. Kupon dak tampani, ning aku panggah meneng ngenti mas iku arep metu saka kelas.Aku jan kaya terhipnotis.

Nasta : “Duh sapa ya, Mas gantheng iki? Gantheng tenan mas iki,sapa ya bocah iki?Loh menyang ndi mas ganthengku iki mau ya?” Ceplosku lan nutup lesanku dhewe,amarga aku salah ngucap ngganthengku Batinku

 Nalika eling, aku gragapan nututi mas gantheng iku.

Nasta : ”Mas... mas... tunggu sebentar.” “ Mas, namanya siapa?” nanging ukara iku ora kewetu, malahan , “Mas,terima kasih ya sudah dipinjami kupon,nanti saya kembalikan besok.”

Uda Fajri : “Iya, pakai saja,” ngomong ngono langsung ngilang mbuh nang ngendi.

Dhuh, bodho banget aku kok ora takon jenenge sapa.

Babak 5

          Aku marani Risma sing isih jagongan neng cedhak mushola.

Nasta : “Heh Ris, kancamu sak kelas, cowok sing dhuwur, putih, nggantheng, rambute  rada njegrag, wonge kalem, kae jenenge sapa Bro?”

Risma : “ Hayo ngapa? Ngesir ya? Iki tak keki nomer hapene wae, kenalan dhewe,” Risma Mbeda aku.

Nasta : “Apa sih ris” tak gephuk pundhake, “wis gek ndang diwangsuli wae,”

Risma : “hahaha, dhewekw ngguyu karo ndudihingi aku,“Jenenge Fajri Habibi, Uda Fajri,saka Batusangkar, Sumatera Barat, tapi kuliyahe Mbiyen neng STAIN Jurai Metro, Lapung.”

Nasta : O,uda Fajri,ya wis ris aku tak menyang kantin dhisik, cacing-cacing wethengku pada demo iki”

Risma : “Oke!” Muni ngono karo mesem

Pamitku marang Risma,sajane kepengen crita akeh karo risma tapi kok wethengku wis ora iso dijak kompromi maneh,dadi aku mlaku menyang kantin karo mesem-mesem dhewe.

Babak 6

          Kupon tak lilang – liling. Bingung atiku antarane ngijolke kupon apa ora. Yen ora diijolke kok wetengku ngelih benget, yen diijolke kok eman banget, kupon pawehe wong nggantheng, jare. Sawise menimbang, wusanane kupon iku tak ijolke, wis gak betah ngelih, Cah!

Nasta : “ Mbak Kupon niku angsal disuwun malih, Mbak? “ takonku marang pramusaji ing kantin kang adate ngladeni para mahasiswa sing arep dhahar kono.

Mbak Pramusaji : “Wah, mangke rak malah disalahgunake ta mbak?” wangsulane.“

Nasta : “Ngaten mawon. Kupon niku diorek- orek napa disuwek kedhik ngoten kersane mboten saged diengge malih. Sing penting, kupon niku kula suwune, wong nggih mangke paling njenengan buwak, lak nggih ta?” sambi nyekeli piring aku isih nyoba rundhingan.

Mbak Pramusaji : “ Wah, mangke badhe direkapa riyin lho mbak, mangke kula didukani kepala kantin,” ujare si Mbak kantin semu wedi.

Nasta: ”O, ya wis mbak nek ngono” wangsulku judhes.Aku judheg, sajake wis ora bisa dirimuk maneh.

Ya wis lah, durung jodhoku. Aku terus mlaku ngener kanca – kancaku wadon sing dha dhisiki mangan mau. Nalika iku aku ngliwati cowok – cowok kancaku sakelas,ana Mas Ali sing nyeluk aku.

Mas Ali : “Na, jare Indah mau awakmu arep nyileh kupon, iki lho aku nduwe, nggonen,”

Nasta : “Halah Mas,kasep, gak ket mau sih cah – cah sms aku sik, bacut tak ijolke kae kupone. Eh kosik, sida dhing, kene taksilihe. Nitip piring sik ya,” kupon tak jaluk, langsung arep tak ijolke.

          Mas Ali plenggang – plenggong wis ora takrewes. Aku marani mbak pramusaji, kupon saka nggonku mau takjaluk,tak ijoli kupone , Mas Ali, oleh – oleh wae. Sawise kupon keramat iku wus nang gegamanku, aku lagi lega. Maeman sing neng mejane Mas ali takjipuk karo ngguya – ngguyu, aku mlaku marani kanca – kancaku. Dilokake stress ya wis ben.

Mbak Eny :“Sida entuk silihan kupon?” takone 

Nasta : “Aaa... ngerti ra? Mau ana mas – mas gantheng heroik, aku diwenehi kupon. Ki lho kupone, arep taksimpen, arep tak laminating!” ujarku bantas.

Kanca – Kanca : “huuu...” kancaku padha koor ngece aku.

Mbak Indah :“ Nasta... Nasta... nek karo mas nggantheng, radharmu kok kencenge eram.”

Nasta : “Yo bene to mbak, jan mase maeng Guantheng tenan lho mbak!Aku wae kayo dihipnotis karo keganthengane!” Kandhaku karo ngguyu.

Mbak Eny : “Halah lebay kowe iki na” karo njiwit lengenku.“

Nasta : “Duh Mbak lara iki” karo nyekeli lengenku sing mari di jiwit mbka Eny.

Mbak Novy :“Wes dang padha dipangan mengko selak masuk kelas!”

Dini :“Iyo wes dang padha di enthekhe mengko jo lali mbayar dhewe-dhewe!” kandhane Dini karo ngguyu ngakak.

          PRANYATA pandugaku sasuwene iki kleru. Wiwit mlebu kuliah S2 aku durung nemokke mas – mas nggantheng sing sreg neng ati. Buiasa ... kabeh! Upama ana sing nggantheng, mesti wis dha nduwe bojo, minimal ya pacar lah. Lha wingi kae,sing menehi aku kupon, kok bisa luput saka radharku. Wingi kok aku ya lali nggawa kupon barang. Lali sing nggawa begja, ditulungi wong nggantheng!

          Uda Fajri... Uda iku paraban “Mas” nek cara Minang. Wah, aku kok bisa kedanan wong sebrang mung gara – gara kupon ya! Kamangka mbiyen aku tau sesumbar wegah entuk wong sebrang, pengin entuk wonh jowo kene – kene wae. Wadhuh piye ya, muga – muga wae wonge dudu Malin  Kundang sing keplayu saka ranah Minang.Aku kudu golek sisik melik bab Uda Fajri, golej alesan ketemu maneh. Hm... apa reka – reka ngijoli kupone sing disilihke aku kuwi ya? Rekake mbalekke kupon, kamangka ya sing baku mung pengin adu arep karo dheweke, sokur – sokur bisa mawan rembag. Ah mbuh, kecipir arem – are, dipikir karo merem.

Babak : 7

          Dina Senen tekan Kemis aku ora kuliyah, merga mung jemuah-setu mlebune. Dina longgar kuwi kadhang tak gunake nggarap tugas kuliyah karo kanca – kanca sing ora kerja nenh instansi.Kebeneran kancaku Isuk kimau ngajak nggarap tugas neng perpus, sisan karo internetan neng kana. Aku ngiyani.

Aku,Mbak Indah, Mbak Eny, Mbak Novy wis tekan kampus, mlebu lift mijet angka 4, arep ngurusi sertifikat neng TU dhisik. Wong papat runtang – runtung metu saka lift. Mbak jegagig, ana wong nggantheng lagi dolanan laptop cedhak lift. Uda Fajri.

          Ngerti ana Uda Fajri neng cedhak lift lha kok Mbak Eny langsung marani dheweke omong – omongangan yeng. Wah, wis tepung sajake. Kok ora tau crita ya yen dheweke nduwe kanca jenenge Fajri. Ah Mbak Eny nduwe konco ngganteng kok ora dikenalke aku. Eh, kok nggladrah timen pikiranku iki. Aku langsung wae temuju TU nylamurke pikiranku sing ra pakra mau.

Nasta : “Mbak kok kenal karo Uda Fajri?” takonku sauwisi wus ana perpus.

Mbak Eny : “Lha kae kancaku kuliyah neng Lampung mbiyen. Mlebune dhisik dheweke mula dadi kakak tingkat. Eh kosik,kok awakmu wis kenal?” gek nyeluk nganggo Uda barang. Sajake ana sing nyalawadi...”

Nasta : “Eh... anu. Ah ora kok, mung ngerti jenenge wae saka kancaku S1 mbiyen sing sakelas karo dheweke,” Wangsulanku ora teteh.

Mbak Eny : “Hm, oh iya, aku ngerti, paling wong kuwi sing menehi kupon ya? Hayo ngaku! Ihir... cah kancane dhewe lagi kasmaran karo Uda Fajri. Haha cie cie Nasta!”

Nasta : “Duh apa sih Mbk Eny iki ana-ana wae”

Mbak Eny : “Eh cah delengen Nasta salah tingkah!” Karo ngguyu lan nunjuk aku. Dirasuki kanca – kanca aku jan isin tenan ngana kae. Ah Mbk Eny kok ya lantip banget graitane.

Mbak Eny : “Wis nduwe nomere durung Nas? Fbne? BBM? Ah kowe ra nduwe BBM,nomere wae ya, iki lho takwenehi,” Mbak Eny isih ngethuprus wae.

Nasta : “Apa ta Mbak, sampean iki. Tekan endi mau garapane? Ayo gek ndang dirampungake.”

Mbak Eny : “Halah, gayane nyilmur di jak omong,”

Mbak Indah :”Iyo nylimur ae ditakoni, wong yen wis jatuh cinta yo ngono kuwi, deloken nek nganti salah tingkah Nasta” Mbak indah nambahi lan marai kau isin ra karu-karuan. Omonganku mau ora digagas, malah sansaya dieceni.

Suwe – suwe aku mutung dhewe. Buku – buku tak jipuk arep metu saka perpus timbang di-bully wae neng kene. Aku dijarke kanca – kanca.

Nasta : “Apa sih Cah- cah maeng marai aku ra fokus ngerjakne garapanku” ujarku karo mlaku ngadoh saka panggonane cah-cah mau.

Lagi wae mbukak lawang arep metu, lha kok pas – pasan karo wong arep mlebu. Dawa umure tenan, wong kuwi Uda Fajri.

Uda Fajri : “Eh maaf, nggak sengaja” karo mbenakne buku sing arep jeblok saka tangane dhewe.

Nasta : “Ah, Oke no problem” ujarku “maaf saya permisi” Sahutku ndhingkluk ra wani ngiwasi wajahe uda Fajri.

Mari ngono aku mlaku banter wedi dheweke genah yen wajahku saiki wes kaya kepiting rebus ngono kae.

Epilog

          NGANTI seprene aku durung wani methuki Uda Fajri. Yen pas kebeneran papasan neng dalan, aku malah mbalik utawa meneng wae. Embuh rasane kok dheg – dhegan bange, keringetku metu kabeh, balungku kaya dilolosi. Aku wis ngerti dheweke seneng lungguh neng cedhak lift, yen awan neng perpus, pondhokane neng pesantren mahasiswa, lan durung duwe pancangan. Wis pokoke aku kaya observer, golek sisik – melik bab dheweke. Nanging tetep wae rasane ora wani adu arep.Aku mung bisa nyipen kupon keramat saka dheweke, wong sebrang saka ranah Minang. Kupon kuwi kaja jimat tumrap awakku,nang ngendi – ngendi takgawa. Yen lagi kangen aku mung bisa ngiling kupon keramat saka dheweke iku karo ngucap. “ Oi Uda, ba’a kaba? Lah lamo induk busao,adiak taragak bana ka uda. Bilo awak bisa basuo baliak jo ngecek baduo sajo?”

·      Mas, piya kabare? Wis suwe ora katemu, aku kangen banget karo sampean, Mas. Kapan ya awake dhewe bisa ketemu lan ngobrol-ngobrol wong loro wae?

>>>> Rampung

Unsur Intrinsik Cerkak “ Kupon Keramat Uda Fajri”

1.    Tema  : Kisah Cinta Remaja

2.    Alur : Maju

3.    Setting :

Babak 1

-       Papan Panggonan : Kelas

-       Wektu : sore

-       Kahanane : bosen

Babak 2

-       Papan Panggonan : Mushola

-       Wektu : sore

-       Kahanane :Gela

Babak 3      

-       Papan Panggonan : cedhak Mushola                  

-       Wektu : Mari Ashar (sore)

-       Suasanane :Bingung

Babak 4

-       Papan Panggonan :Kelase Oching

-       Wektu : Mari Ashar (Sore)

-       Suasane : Seneng

Babak 5

-       Papan panggonan : Cedhak Mushola

-       Wektu : Sore

-       Kahanan : Seneng

Babak 6

-       Papan Panggonan : Kantin

-       Wektu : Sore

-       Suasane : Seneng

Babak : 7

-       Papan Panggonan : Perpus

-       Wektu : Isuk

-       Kahanane : Isin

4.    Sudut Pandang :  Orang Pertama Pelaku Utama

5.     Tokoh : 

-       Nasta : Protagonis

-       Uda Fajri : Protagonis

-       Mbak Eny : Tritagonis

-       Mbak Indah : Tritagonis

-       Mbak Novy : Tritagonis

-       Dini : Tritagonis

-       Mas Ali : Tritagonis

-       Risma : Tritagonis

-       Oching : Tritagonis

-       Mbak Pramusaji : Antagonis

-       Bu Dhosen : Antagonis

6.    Watak :

-       Nasta :Baik hati , Cawak, Pemalu, Pemarah

-       Uda Fajri :Baik hati,Kalem

-       Mbak Eny :Jahil,Cawak,Heboh,setia kawan

-       Mbak Indah : Jahil,Heboh,setia kawan

-       Mbak Novy : Kalem, Pendiam

-       Dini : Kalem

-       Mas Ali : Perhatian, Baik hati

-       Risma : Usil, Baik hati

-       Oching : Setia kawan

-       Mbak Pramusaji : Tegas,Penurut

-       Bu Dhosen : Cerewet,Pengertian

7.    Amanat : Ojo nganti mendem perasaan marang wong sing kang ditresnani, ojo nganti ora wani utawa duweni rasa wedi ngungkapne perasaan kuwi,amarga bisa kuciwa yen ora bakal bisa ngungkapke perasaane dhewe.

                                                           >>>>> Rampung