Naskah Cerkak Meliana Puspita Handayani

NAMA        : MELIANA PUSPITA HANDAYANI

KELAS       : XII – IPA 3

NO.ABS      : 21

Drama saking cerkak “Gerong Rujak Jeruk”

Dening : Eko Budiono AED

Tema : Wong lanang wedi karo bojone wadon

Alur   : Campuran

Setting         :

·    Wektu                : Esuk

·    Papan Panggonan         : Warung Tegal

Tokoh          : 1. Sruni

            2. Sukmono

            3. Mira

Penokohan : 1. Sruni : Ngengkel, ngeyel, gampang nyrandu, wani karo wong lanang.

                     2. Sukmono: Menengan, sabar.

                     3. Mira : Sopan, Manut karo wong tuwa.

Sudut pandang : wong ke-2 pelaku utama

Piwulang       : Aja gampang nyrandu lan wani karo wong lanang, apa maneh bojone

    Dhewe.

BABAK I

Sruni   : “Bangeten tenan uripku iki! Duwe bojo isane mung ngresula terus! Angger ditembungi apa – apa ora isa nuruti! Urip pisan wae rumangsaku kok dikon rekasa terus!” (karo nata alat-alat dapur ing warunge.)

Sukmono : “Wis to Buk, aja ngundhat-ngundhat ngono. Disyukuri apa enek e.”

Sruni     : “Kowe kuwi wong lanang apa, hng?! Wong lanang kok mlempem. Sing digedhekne mung mangan turu mangan turu. Dadi wong lanang iku mbok ya sing pethel.”

Sukmono : “Sakiki golek gawean iku angel. Apa maneh neng komplek koyok ngene iki.”

Sruni     : “Halah iku mung alesan. Mesthi angger keceneng sithik wae, sambat lara neka-neka, nggo alesan! Dhasar wong lumuh. Angger dijaluki tulung alesane lara rena – rena. Lara kok borongan!”

Sukmono bojone mung bisa meneng wae ngrungokne.

Sruni     : “Awake dhewe iki rak dudu wong pangkat wong drajat, Pak. Eling, awake dhewe ki mung trima usaha Warung Tegal.”

Sukmono : “La usahane awake dhewe iki ancen warung tegal, arep usaha apa maneh?”

Sruni     : “ Ya usaha apa ngono, ben ora nganggur wae. Mosok sing nyambut gae sing wadon. Nek ra diewangi njungkir – walik sing arep ngeneki sapa?”

Sukmono : “Wis to Buk, aja uring – uringan ngono. Dadi wong kui kudu sing sabar. Isin dirungokno para tangga kiwa tengen e awak dhewe.”

Sruni     : “Nek ra tak uring – uring ngeneki, wakmu apa ya isa ngerti. Dulurmu kabeh ra enek sing perduli. Arepa mas – masmu lan mbakyu – mbakyumu sing sugih – sugih, sing omahemagrong-magrong lan bandhane turah-turah kuwi, apa ana sing ngerti karo rekasane awake dhewe. Apa ana sing perduli karo awake dhewe, he?!”

Sukmono : “Wis, wis, wis! Diumbar – umbar omongane kok saya nggladrah. Kabeh – kabeh diundhat – undhat. Arepa tunggal weteng, nasibe uwong beda – beda.” (Sentak e Sukmono ora tahan.)

Sruni     : “Buktine rak iya ta? Kuwi merga biyen kowe ora sekolah dhuwur. Mas – masmu, mbakyu – mbakyumu pada sarjana kabeh, giliran kowe mung tamat SMA PGRI sing murah, sing mutune....”

Sukmono : “Uwis meneng! Uwong kok rina wengi gawene obong – obong terus. Dadi provokator kaya gerombolane Emen Sengkuni Rasis!” (Sukmono nyuthel omongane sruni.)

Sruni     : “Nek ora provokator elek kaya ngene ki, arep mangan apa, he? Nek ora tak rewangi adus kringet wiwit jam papat esuk nganti jam sanga bengi ngupakara warung, apa sing nggo nyekolahne bocah – bocah?”

Sukmono : (Mung bisa ngelud dada lan istighfar.)

Sruni     : “Biyen wis enak – enak kerja neng Astra, metu. Gara – gara manut masmu, ya ngene iki akibate.”

Sukmono : “La aku dikongkon metu karo masku ya manut wae to buk, mergo masku ngerti pekerjaan sing pas lan ora pas karo aku.”

Sruni     : “Coba nek isih kerja neng Astra, isa disekolahne neng Jepang kaya Yanto kae, saiki dadi manager, bayarane gedhr, isa tuku omah mewah neng BSD.”

Sukmono : “Ngono kuwi sing beja awake. Sing ora ya malah catho – catho nganti saiki isih ngontrak. Isih lumayan awake dhewe.”

Sruni     : “Isih lumayan piye? Wong nelongso koyok ngene ki!”

Sukmono : “Wong diomongi kok ngeyel. Awake dhewe isih isa manggon neng komplek. Ora ketang pathenthengan empet – empetan buktine ya ora nemen-nemen. Avanza, duwe. Sepedha motor, duwe. Malah telu. Omah, wis lunas. Arep apa maneh Buk?!”

Sruni     : “Kebutuhan liyane isih luwih akeh saka kuwi, Pak. Aku ya pingin barang-barang kaya nggone wong-wong, kaya tas, perhiasan, bedhak, lan liyane maneh.”

Sukmono : “Nek nuruti kurang ya ora ana enteke! Diparingi sehat lan bisa duwe warung akeh langganane ngene iki awake dhewe kudu wis bersyukur marang sing Gawe Urip.”

Sruni   : “Halah...! saben kepepet omongane tiru – tiru Pak Ustadz!” (Karo prengat – prengut.)

Sukmono mung ngumbar omongane Sruni. Nek diladeni saya nggladrah menyang ngendi ngendi.

                                                   BABAK II

Mira anak wedoke sing kelas 12 SMA Al Amanah arep budal sekolah. Sruni ngedoli langganane ing warunge.

Sruni     : “Lho, Mira kok durung diterne? Telad kuwi mengko. Ewuh apa maneh ta, kok ra ndang budhal – budhal?”

Mira      : “Nggeh Buk, kula tasih ngentosi Bapak.”

Sukmono : “Mira ayo budhal, dakterne bapak saiki.” (Metu teko omah karo gawe jaket.)

Mira      : “Nggeh Pak. Buk kula bidhal, assalamu’alaikum.”

Sruni     : “Wa’alaikumsalam, ati – ati nduk.”

Mira      : “Nggeh Buk.”

                                                   BABAK III

Ing tengah ndalan karo nyetir motore Sukmono ngandhani anake sing digonceng.

Sukmono : “Mir, eling – elingen omongane Bapak.”

Mira      : “Wonten punapa Bapak?”

Sukmono : “Mbesuk kowe nek wis duwe bojo, aja galak – galak karo bojomu ya, ndhuk.”

Mira      : “Nggih, Pak. Nek diomeli terus mesakne, mangkane rak sakit nratab kados bapak. Hehehe...”

Sukmono : “Hahaha... iya ndhuk. Muga – muga ing tembe guntur anak lanangku sing mbarep dadi wong sukses sing bisa nyembadani keluarga lan Mira dadi putri sholehah sing bekti karo bojone, ora nranyam karo wong lanang kaya gerangane (Batinku).

>>>>> Rampung